Brukarportal
Er du foresett, elev eller brukar av kulturskulen? Her finn du alt du treng å vite samla på ein stad!
Kulturskulen sine rutiner
-
Undervisinga følg skuleåret og skuleruta i Lesja og Dovre, med unntak av at vi har oppstart ei veke etter skulestart og avslutning ei veke før skuleslutt.
Undervisinga går føre seg i 36 veker, medan grunnskulen held på i 38 veker. Ved kortkurs eller komprimerte tilbod gjeld andre reglar. Det vil vere spesifisert ved opptak.
Kulturskulen følg grunnskulen sine ferie- og fridager, og vil difor ikkje ha undervising dersom grunnskulen ikkje har det.
Dei ordinære kursa er for barn i grunnskolealder (1. trinn til 3. vgs.), men for andre kurs kan alderskriteriane variere.
Dersom lærarar har kapasitet og det ikkje er barn i grunnskulealder på ventelista, er det moglegheitar for å ta inn også vaksne søkarar.
-
Påmelding skjer på elektronisk skjema i SpeedAdmin, kulturskolen sitt eigne administrasjonsprogram.
Skjemaet må vere fylt inn og sendt inn innan fristen 1. mai. Faktureringssystemet krev personnummer til betalar (foresatt). Det er viktig at all informasjon som er oppgitt i søknadsskjemaet er korrekt, og blir oppdatert ved behov.
Når ein fyrst har fått elevplass i Lesja og Dovre kulturskole, vil ein ha denne plassen heilt til elev eller foresatt sender ei skriftleg utmelding til kulturskulererektor på e-post.
Frist for oppsiging av elevplass for haustsemesteret er 1. mai, og for vårsemesteret er det 1. desember.
-
Dersom tilbod har fleire søkarar enn lærarem har kapasitet til, kan ein havne på venteliste.
Ventelisteansienniteten reknast frå den dagen eleven blir registert inne i SpeedAdmin.
Dei som har stått på venteliste lengst blir teke inn frå venteliste fyrst. Ved lik ansiennitet skal alder telle, slik at dei eldre kjem inn framfor dei yngre. Dette gjeld når den som er eldre er i grunnskulealder.
Dersom lærarar har kapasitet og det ikkje er barn i grunnskulealder på ventelista, er det moglegheitar for å ta inn også vaksne søkarar.
Andre forhald kan bli teke i betraktning ved inntak frå venteliste.
Søkarar som ikkje er elevar i kulturskolen frå før vil bli prioritert høgast.
Dersom ein allerede er med på eit kurs, men ynskjer å vere med på meir, vil ein bli prioritert lavare på ventelista.
-
Avmeldingsfrist i kulturskulen er 1. mai, likt med påmeldingsfrist. Meld frå til kulturskulen innan gitt frist dersom eleven ynskjer å seie ifrå seg plassen.
Dersom det ikkje blir sendt avmelding før til hausten, kan ein risikere å betale for det kommande haustsemesteret.
Frist for oppsiging for haustsemesteret er 1. mai, og for vårsemesteret er det 1. desember.
-
Foresette eller eldre elevar har plikt til å melde frå dersom ein ikkje kan kome til undervising, både ved undervising i skuletida og på fritida.
Ved stort umeldt fråver kan tap av elevplass bli vurdert. Elevplassen kan da gis til elevar på venteliste.
Ved undervising i skuletida er kulturskulen avhengige av å få beskjed om fråver direkte frå foresatt, da vi ikkje kommuniserer med grunnskulen om fråver.
-
Tildeling av elevplass skjer i juni, ved skuleslutt.
Elevane får tilsendt inntaksbrev på e-post når inntaket er gjort. Elevane som seier opp plassen sin får bekrefting på oppsagt plass på e-post. Løpande opptak gjennom skuleåret kan forekomme dersom ein lærar får frigjort kapasitet.
Kulturskulen sender ut skriv med oversikt over tilbod gjennom skulane til alle elevar før inntaksperioda.
På kulturskulen si heimeside og SoMe-plattformar vil det alltid ligge ute oppdatert informasjon om tilbud.
-
Fakturering blir gjort ein gang kvart halvår.
For haustsemesteret blir faktura utsendt i oktober/november, medan for vårsemesteret skjer det i april/mai. Dette blir sendt ut på e-post av økonomiavdelinga i kommunen. Opplysningane hentast frå SpeedAdmin, så det er difor viktig at all informasjon der stemmer.
Betalingssatsar følg politiske vedtak for Dovre kommune, og vil bli justert etter dette. Satsane blir indeksjustert, og endrast frå den 01.08 kvart år.
Dersom fakturaen ikkje blir betalt innan fristen, vil det bli sendt ut purring.
Etter 1. gangs purring blir det sendt ut varsel om tap av elevplass.
Økonomiavdelingen sender melding om utestående kopi av purring til kulturskulen.
Er økonomi eit hinder for vidare deltaking i kulturskulen? Ta kontakt med kulturskulerektor så finn vi ei løysing saman!
Forventinger
Elevane skal spele på instrumentet sitt heime minst to gongar i veka. Dette skapar framgang mellom timane, speleglede og meistring. Dersom du spel på instrumentet ofte, vil det blir artigare å spele musikk!
Møtførebudd og presis til undervising, og ha med deg notene dine og instrumentet ditt.
Set av tid til øving heime, slik at undervisingstiden blir så lærerik og nyttig som mogleg.
Det er viktig at elevane spel på instrument av god nok kvalitet og held det ved like. Ved kjøp av eiga instrument bør lærar kontaktast for råd, særleg dersom eleven er nybegynner.
Ved fråver må ein gi beskjed til læraren sin så fort som mogleg. Helst dagen i forvegen, eller fleire dagar, med mindre noko akutt skjer.
Ny adresse, e-post eller telefonnummer? Meld straks frå til oss! Å ha oppdatert elev- og føresettinformasjon er viktig for å oppretthalde ein god skule-heim kommunikasjon.
Eit godt skule-heim samarbeid er viktig for oss. Slik kan vi saman legge til rette for læring og meistring. Vi ynskjer oss engasjerte, spørrande og ivrige føresette!
Å delta på konsertar og andre arrangement er viktig for å halde motivasjonen oppe, og for å bli kjent med andre kulturskuleelevar.
Fram til ungdomsskulealder er det føresette sitt ansvar at eleven kjem seg på undervisingtime med rett utstyr.
Som føresett er du den viktigaste bidragsytaren til motivasjon og utvikling! Du kan hjelpe barnet ditt sjølv om du ikkje kan å spele instrumentet sjølv.
Årshjul 2026-27
Endringar kan forekomme.
Lurar du på noko angåande eit arrangement? Se Friskus for meir informasjon!
Lurar du på noko angåande våre rutiner og korleis kulturskulen blir dreve? Les alt du treng å vite i vår brukerportal eller om oss.
Har du eit anna spørsmål? Ta kontakt med rektor Martine Haugen eller ein annan lærar!
Tips til heimeøving!
Set av eit spesifikt tidsrom for speling, til dømes 10 minutt med pianospel etter middag. Korte, frekvente øvinger er betre enn lange og sjeldne!
Instrumentet må vere lett tilgjengeleg for bruk! Står det pakka ned ein stad er det høgare terskel for å spele.
Ver ein engasjert forelder - spør om korleis speletimen har gått og kva hen har lært.
Har du tid til skjerm har du tid til øving! Kanskje du finn ein artig trekkspelvideo på YouTube?
Føresette er hjarteleg velkome til å vere med på ein undervisingstime dersom ein er nysgjerrig!
Be barnet ditt ha ein minikonsert for deg eller andre slektningar.
Spør barnet ditt om hen kan lære deg ein akkord eller eit dansetrinn.
SpeedAdmin
SpeedAdmin er søknads- og brukarportalen til Lesja og Dovre kulturskole.
Her ligg alt av informasjon om brukarane våre, og det er her lærarane legg timeplan og set opp kurs. Rektor brukar systemet til fakturering på hausten og våren, og det er difor personnummeret til føresette må oppgis ved søking.
Elevar og føresette kan logge seg inn på SpeedAdmin og finne nødvendig informasjon om kulturskulen. Nokre lærarar nyttar seg også av læringsplattformen inne i systemet, og der kan ein finne lekser og anna støttemateriale til undervisinga.
SpeedAdmin er det mest brukte administrative programvaresystemet for musikk- og kulturskuler i Skandinavia og blir stadig meir brukt over heile Europa. SpeedAdmin vart grunnlagt i Danmark.
Kva er SpeedAdmin?
Brukerrettleiing for innlogging i Speedadmin
Trykk deg inn på nolesjadovre.speedadmin.dk
Skriv inn brukernavn og eleven sin fødselsdato; DDMMÅÅ
Hvis du har gløymt passord, trykk GLEMT PASSORD (passord vil da bli sendt til den e-postadressa som du registrerte deg ved første søknad til kulturskolen).
Ein kan opprette kun éin brukar per elev.
Om du treng hjelp til innlogging eller om du har spørsmål om SpeedAdmin kan du ta kontakt med rektor Martine Haugen eller ein lærar.
Prisar
Betalingssatsar for Lesja og Dovre kulturskole, fra 01.08.2026:
Individuell undervising, kr. 3 489,- per år
Gruppeundervising, kr. 3 489,- per år
Leie av instrument, kr. 377,- per år
Lag som kjøper tenester, kr. 11 134,- per årstime
Pris for kortare kurs blir sett etter kursets omfang og regulert etter vedtatte prisar for årstimane i kulturskulen.
Det fakturerast to gonger i året, éin gang i laupet av haustsemesteret og éin gong i laupet av vårsemesteret.
Kulturskulen tilbyr søskenmoderasjon på 50 % frå barn nummer 2 og utover. Gjeld ordinære tilbud.
Er økonomi eit hinder for deltaking i kulturskulen? Ta kontakt med oss, så kan vi sjå om vi finn ei løysing.